Monday, March 5, 2012

Sjanghæ - 2.hluti

Á meðan við vorum í Sjanghæ var frekar kalt og oft rigning. Ég hefði viljað hafa húfuna mína með og þakka fyrir að hafa tekið þykka trefilinn og vettlingana með. Á mánudeginum fórum við í Yu Garden til þess eins að drekka te. DM gaf okkur teketil og te sem við hlökkum til að prófa hérna heima. Ég keypti líka ponsu litla bolla til að drekka teið úr.







Eftir tedrykkjuna fórum við inn á minjasafn í Yu Garden. Bara miðarnir inn á staðinn eru gullslegnir með dreka framan á - enda ár drekans. Mér fannst "hellulögnin" þeirra langmerkilegust. Litlar flísar hamraðar niður í jarðveginn og búin til allskonar mynstur. Hefði gjarnan viljað vera þarna að vori til eða í byrjun sumars þegar bonsaítrén eru í blóma - kannski á ég það bara eftir.

















framhald......

Friday, March 2, 2012

Sjanghæ - 1.hluti

Ferðalagið hófst á föstudagsmorgni. Við keyrðum loðdýrið í pössun í Hosle og keyrðum svo út á Gardermoen. Vorum búin að ákveða að leggja bílnum á flugvellinum á meðan við værum í útlöndum þar sem það var ódýrara að leggja bílnum þarna þessa daga heldur en að borga í fluglestina fyrir okkur bæði fram og til baka.
Flugum í fyrsta skipti með Finnair og fannst geggjað hvað það var mikið pláss fyrir fæturna í flugvélinni, þó það væri seinkun og við látin bíða úti í flugvél ásamt Japönunum, Kínverjunum og samlokuétandi Norðmönnunum með skíðahúfurnar og bakpokana. Flugið til Helsinki tók tæpan einn og hálfan tíma.




Við tók tveggja tíma bið og þá var það næsta vél öllu stærri en sú fyrri. Í Finnlandi var mikill snjór og ís og frú flughræddri var nú ekkert alveg sama um þessa ísingu á vélinni og afísingu og allt það.

Hrikalega fyndið fannst okkur þó (og ögn pirrandi) að fyrir 9,5 tíma flug skyldi ekki vera meira pláss fyrir fæturna en þetta.

Flugið gekk stóráfallalaust fyrir sig. Reyndar sat kínversk beygla fyrir aftan mig (nei þetta er ekki kynþáttafordómar því hún var algjör beygla og skiptir engu máli hvaðan hún kemur - nema í þessu tilviki kom hún frá Kína). Hún hristi sætið mitt alla leiðina. Braut HÁTT saman RISA morgunblað þegar búið var að slökkva og allir reyndu að hvíla sig. Hristi aðeins meira og þegar hún loks sofnaði með hnén í bakinu á mér hraut hún hærra en andskotinn.....öööh já það vottaði fyrir pirringi.

Á flugvellinum tók DM á móti okkur, það var kominn laugardagsmorgunn. Mikið ROSALEGA var það frábært að sjá hana og knúsa í landinu hennar. Mér finnst enn ótrúlegt að við höfum látið verða af því að fara í heimsókn alla leið til KÍNA.... Við tók sannkölluð ævintýraferð fyrir okkur hjónin. Við skelltum okkur strax í skoðunarferð, hádegismat og enduðum í höfuð/herða og fótanuddi í klukkutíma.....YNDISLEGT.

Á sunnudeginum fórum við í brunch í skemmtilegum bæjarhluta í Sjanghæ.

T og M Chan - duglegir að borða :)








framhald.....

Thursday, February 16, 2012

ferðalag

Það er aldeilis - ýmist í ökla eða eyra - annað hvort ekkert að gera eða allt að gerast....
Á morgun verður lagt af stað til Sjanghæ í Kína. Jebb - bara ár síðan þetta var ákveðið og núna er loksins komið að því. Hef ekki grænan grun hvað ég ætla af mér að gera þarna annað en að heimsækja vinkonu sem hefur reyndar verð vinkona mín í 32 ár. Af þessum 32 árum höfum við verið í sama bekk í 6 ár, sama framhaldsskóla í 4 ár, verið saman í saumaklúbb í 22 ár. Af þessum 32 árum höfum við búið í sama landi í 12 ár - í heil TUTTUGU ár erum við búnar að búa í sitthvoru landinu. Samt erum við enn vinkonur. Við töluðum stundum ekki saman í heilt ár - en alltaf þegar við heyrðum í hvor annarri var eins og við hefðum hist síðast í gær. Á laugardagsmorgunn (Kínatími) hittumst við og ætlum að eyða rúmri viku saman. Jebb ég er tilbúin að fara. Á bara aðeins eftir að finna töskuna, pakka og kannski fyrst og fremst endurheimta eiginmanninn frá Íslandi. Þetta græjast allt fyrir brottför á morgun - ég veit það - hefur ekki klikkað hingað til!


Metum vináttuna - verum glöð - lifum lífinu - samgleðjumst samferðafólki okkar og heilsum fólki sem eru vinir okkar á Facebook, af hverju ættu þeir annars að vera vinir okkar ;)

Friday, January 27, 2012

járnkonan

Ljósakanínan mín í eldhúsglugganum hefur eignast unga. Ég sé það bara á henni hvað hún er hamingjusöm með ungana sína, verst samt að þeir skipta litum ef það er kveikt á þeim. Líklega tengist það bara stærðinni á þeim - ætli það eigi eftir að eldast af þeim?


Tjéllingin er enn meðetta - jebb slær í gegn hvað eftir annað í árlegu blóðprufunum. Fékk símtal frá lækninum í dag þar sem ég var beðin um að bryðja járn út í eitt. Alvarlegur járn- og blóðskortur í gangi.....mér finnst þetta vera flassbakk.....ég er "alltaf" að lendíssu. Í gær gaf ég mér sem sagt blóðprufu í afmælisgjöf. Gaf mér líka hlaup og göngu á brettinu í BareTrening úti á horni (tók nú Dr. Voltarol með þar sem rófan er ekkert alveg að samþykkja brettið eða hreyfingu almennt ehemm). Fór í langa heita sturtu og lakkaði neglur - jebb best að taka þetta alla leið fyrst maður er að eldast svona á milli ára!

Svo bakaði ég GULA köku af því gular kökur eru GLAÐARI kökur en aðrar kökur. Þeim yngsta á heimilinu fannst að kakan ætti að vera röndótt og afmæliskonan valdi því svartan, gulan og bleikan lit. Notaði í fyrsta skipti sykurmassa og það gekk svona súper vel. En svona sykurmassi er alltof sætur, ef út í það er farið, reikna ekki með mikilli notkun - finnst þetta ekkert alltof gott....fjúff. Einnig var óskað eftir lakkrísbollakökum og því voru bakaðar nokkrar minicupcakes.







Sá yngsti kom svo færandi hendi heim úr skólanum en hann gaf mömmu sinni lakkrís sem er allra besta nammið í öllum heiminum - sama hvernig lakkrís það er. Áður hafði ég fengið flottustu tölvutösku í heimi sem hann saumaði sjálfur í skólanum.



Eiginmaðurinn kom svo færandi hendi með blóm handa frúnni þegar hann kom heim úr vinnunni. Aldrei of oft sem maður fær blóm. Þetta voru margrétarblóm - þið vitið þessi hvítu með gulu miðjunni.....elska þau.

Í vikunni kom svo washi límbandið sem ég pantaði á etsy um daginn. Hef ekki grænan grun hvað ég ætla að nota það í - en krúttlegt er þetta.


Pósturinn kom með tilkynningu um pakka í gær. Ég fór því spennt að ná í pakkann í dag og varð svo sannarlega ekki fyrir vonbrigðum (eins og ég myndi einhverntíma verða það ef ég fengi pakka - uuuh neits). Í pakkanum frá bestu systur í Barcelona var sætasti te-apinn og falleg og litrík gúmmífiðrildi til að setja á glös.


Ég er að segja ykkur, te-ið bragðast MIKLU betur eftir að apinn mætti á svæðið.