íbúðaráp

Í gær ákváðum við hjónin að það væri kominn tími til að skoða íbúðir í hverfinu sem við viljum allra helst búa í hérna í Osló. Við vorum að skoða íbúðir sem voru til sölu og þá aðallega til að sjá hvað fólk væri að fá fyrir peninginn og hversu stórt/lítið eru eiginlega 60 - 70fm. Ekki ætluðum við að bjóða í þessar eignir heldur ákváðum við hins vegar að skrá okkur á þar til gerðan lista í hverri íbúð en þá getur maður fylgst með hvað er verið að bjóða í íbúðina og á hvað hún selst að lokum. Auðvitað er gert ráð fyrir því að það séu aðeins þeir sem hafi áhuga á að bjóða sem skrifi sig á listann......en hei við erum útlendingar! Ég er því búin að vera í fullri vinnu í dag að fylgjast með boðum í þessar þrjár íbúðir og já takk fyrir þær eru allar seldar. Við klórum okkur bara í hausnum og veltum því fyrir okkur hvort það sé eitthvað að...........sko toppstykkinu!

Fyrsta íbúðin sem við skoðuðum var 66fm - alveg ágæt nema það var í rauninni ekkert eldhús......og ísskápurinn var í dvergastærð. Verðið á íbúðinni var sett 2.590.000 NOK. Hún seldist í dag á 3.300.000 NOK.

Önnur íbúðin sem við skoðuðum var 68fm - var ábyggilega einu sinni verslun og hefur verið opnað niður í kjallara og búin til íbúð úr geymslunum. Ekkert anddyri bara vaðið beint inn í eldhús. Búið var að reyna að selja þessa íbúð áður í ágúst en þá var vatnsskaði og boðið sem kom í hana var of lágt að mati eiganda. Vatnsskaðann var búið að laga núna og á íbúðina var sett 2.590.000 NOK. Íbúðin seldist áðan á 2.500.000 NOK en það er mjög óvanalegt að íbúðir í þessu hverfi fari undir uppsettu verði. Það var nokkuð ljóst þegar við skoðuðum hana að frágangurinn var ekki í lagi.

Þriðja íbúðin sem við skoðuðum var 40fm - var einu sinni lítil verslun en núna ofsalega sæt lítil eins manns íbúð (ok kannski roooosalega ástfangið par gæti hæglega búið þarna). Á þessa íbúð var sett 1.900.000 NOK og hún fór áðan á 2.550.000 NOK.

Hérna er hægt að umreikna í íslenskar krónur (fyrir þá sem vilja).

með grein í rassinum

Veðrið í dag  er yndislegt, það er pínu kalt - en samt ekki, sólin skín á næstum heiðskírum himni og haustlitirnir skarta sínu fegursta. Ég var að ljúka við nýju lopapeysuna mína sem er ekki alveg hefðbundin - æi hver vill alltaf þetta hefðbundna hvort sem er?
Í tilefni dagsins skelltum við okkur í göngutúr í hverfinu, þ.e.a.s. ég og gleraugnaætan. Ég þurfti að sinna smá erindi og gleraugnaætan beið samviskusamlega bundin fyrir framan verslunina. Þegar ég kom út var gleraugnaætan eðli sínu samkvæmt afskaplega glöð og ánægð að sjá mig. Við töltum af stað og fundum lítinn garð með lítilli flöt og bekk til að sitja á. Þar sem ég stóð og var að laga heimaprjónaða vettlinginn minn hugsandi sem svo að ég ætlaði að skunda yfir á næsta kaffihús, kaupa einn vænan latte og koma til baka, setjast á bekkinn og leyfa gleraugnaætunni að þefa út í loftið...........sá hundkvikindið (lesist elsku litli sæti hundurinn minn milli samanbitinna tannanna) kött. Allt í einu - upp úr þurru missti ég vettlinginn og ólina og kvikindið var horfið inn í runna geltandi eins og vitleysingur og það var ekki séns að þessi geltandi vitleysingur ætlaði að koma af sjálfsdáðum út úr runnanum - enda kisan uppi í tré og hann á fullu að reyna að ná í kattarófétið.

Köttur uppi í tré

Þéttur runni með þyrnum og öllum pakkanum!

Skemst frá því að segja að við erum komin heim með grein í rassinum og laufblöð í hárinu og nýju peysunni, lepjandi heimalagaðan latte úr glasi. Hefði gjarnan viljað nefna það líka að gleraugnaætan gekk við hæl eins og engill á leiðinni heim.......en þá væri ég að ljúga!

Studdist við tölur úr þessari uppskrift hér.

laugardagur í Osló

Elska laugardaga. Ekkert stress. Enginn að fara eitt né neitt. Allir bara í góðum gír allan daginn. Elskedda - NÚNA erum við að tala saman.

Bokfestival á Karl Johan

Ben & Jerry's klikka seint

Latte og bókin Jean Muir: Beyond Fashion

Unglingurinn

Glimmerkjóll úr Fretex sem verður að nýju ævintýri

á morgun eða hinn

Rauðvín, nautakjöt og parmesankartöflur

ég óska mér

Ég óska mér að verða gömul. Jebb mig langar að verða gömul eins og amma mín og nafna. Þegar ég verð gömul ætla ég að verða nákvæmlega eins og hún. Ég ætla að vera lítil með hvítt hár, alltaf í góðu skapi þó ég muni ekki lengur allt og gleymi nánast öllu. Alltaf hlæjandi og flissandi og ég ætla að elska súkkulaði og sælgæti alveg eins og hún amma mín.

Í dag skrapp ég í göngutúr heiman frá mér yfir á Bogstadveien sem er flott verslunargata hérna í Osló. Ég bjó við þessa verslunargötu fyrstu 2 mánuðina mína hérna í borginni. Ég var svo heppin að fá mömmu og O og mágkonu hennar mömmu IL í heimsókn um miðjan mars og þegar við fórum í H&M fengum við 50nok gjafakort í hvert skipti sem við versluðum. Ég átti því 4 gjafakort í dag eða 200nok til að eyða í H&M. Ekki leiðinlegt það.
Þegar ég var á  heimleið kom ég við í fallegustu skóbúðinni í bænum, Lille Vinkel Sko. Í þessari búð er hægt að finna skó frá Chie Mihara - sem ég elska. Á undan mér inn í búðina fór gömul hvíthærð kona með göngugrind. Ég hugsaði að þetta gæti verið ég þegar ég er orðin gömul. Ein af afgreiðslustúlkunum hélt dyrunum opnum fyrir gömlu konunni en gleymdi að segja henni að það væri eitt þrep niður.... Konan lenti kylliflöt á gólfinu með hnéð fyrst og svo hnakkann í gólfið. Blóð út um allt. Váh hvað það getur blætt mikið úr hnénu á svona gamalli konu. Hausinn slapp við gat en mikið ofsalega átti gamla konan bágt. Hún vissi ekkert hvar hún var og var greinilega vönkuð. Það liðu ekki 3 mínútur og þá var sjúkrabíllinn mættur á staðinn........ Eftir þetta fór ég að hugsa. Þegar ég hugsa um að verða gömul þá gleymi ég alltaf að hugsa að ég get verið ógurlegur hrakfallabálkur....jebb....ég hef í alvörunni legið kylliflöt oft og mörgum sinnum og þá yfirleitt vegna skófatnaðar......hmmmmm....ég ætla samt innilega að vona að ég komi ekki til með að detta svona í fallegri skóbúð hátt á níræðis aldri!

Skellti í nokkrar mini bollakökur þegar ég kom heim úr bæjarferðinni og bakaði bláberjakökur með bláberjakremi. Mmmmmm þessi samsetning er alveg að virka.

Við erum í teppagírnum þessa dagana. Keyptum teppi inn í stofu og það er 100% vistvænt sem mér finnst alls ekki svo galið (eins og þið kannski eruð búin að reikna út). Við gerum okkur grein fyrir því að það hefði verið miklu betra að hafa keypt það aðeins fyrr þegar mínusgráðurnar voru jafnmargar inni og úti í vetur ehemmm. En í staðinn verður bara enn hlýrra næsta vetur. Það er þó einn sem er mest ánægður með nýja teppið og átti erfitt með að bíða eftir að það var komið á réttan stað.

Enginn fótbolti í sjónvarpinu mínu í kvöld - er farin að glápa á sápurnar.

6.desember

Brrrr það er skítkalt inni. Ég sit í eldhúsinu - eða stend inni í vinnuherbergi nokkra tíma á dag og er að vinna á tölvuna. Úffff, óhætt að segja að 15 gráðurnar inni eru ekki alveg að gera sig. Þannig að í boði er að sitja í eldhúsinu og skella bakarofninum í gang til að hita eldhúsið (gerði það reyndar í morgunn áður en drengirnir komu upp að borða morgunmat). En það er náttúrulega alveg til spillis að kveikja á ofninum og sleppa því að baka.....þannig að þetta er vonlaus staða ehemm. Ég þarf nefnilega að halda áfram að vinna í tölvunni enda bara 3 dagar í Ísland. Vildi óska að þessir vinnumenn fari að ljúka pípunum í okkar stigagangi svo við getum farið að kveikja upp....

Annars skelltum við okkur til Svíþjóðar á sunnudaginn í góðum félagsskap. Versluðum m.a. smjör í baksturinn, en það er ekki til smjör í Noregi og verður ekki komið í gott horf aftur fyrr en í fyrsta lagi í byrjun janúar. Heimsóttum m.a. stærstu nammibúð sem við höfum nokkurn tíma komið í - úfff - maður missti bara lystina í sælgæti við að fara þarna inn. T fann þó helling af nammi sem er nú komið á piparkökuhúsið sem hann bakaði í síðustu viku (og mamman náði að brjóta.....áður en það var sett saman....vel gert mamma ehemm).

Fengum svo næsturgest í nótt en frænka, sem býr aðeins norðar í Noregi, er á leið til Íslands að flytja mastersverkefnið sitt við HÍ - og svo er hún að fara að ná í hundinn sinn til Íslands - ekki lítill farangur þetta ;).

Þessi ráðskona og krúttbomba er svo í heimsókn hjá okkur í viku á meðan fjölskyldan hennar er heima á Íslandi að halda upp á afmæli og skíra yngsta fjölskyldumeðliminn. Þessi dama er með einkarétt á heimilisfólkinu í sófanum og vílar ekki fyrir sér að rölta yfir tölvur og annan óþarfa til að komast leiðar sinnar hehe. Gleraugnaætan er alls óvanur svona dömum og heldur sig langt frá. Úti í göngutúrum er hún sannkölluð prinsessa á meðan herrann hleypur um eins og vitleysingur að skoða heiminn og merkja sér svæði alveg hægri vinstri.....fjör á bænum þessa dagana.

Monopoly

Helgin þýddi rölt á Majorstuen/Bogstadveien, bökunarbúðin í Sagene, kaffihús á Vogtsgate, Jensens Böfhus bbqrif (Bilkakeypt í DK), rauðvín og ostar, fjölskylduMonopoly, strákafjallahjólatúr, kaffigestir og tilheyrandi bakstur. Ég bakaði bananakökuna hennar Örnu frænku og svo prófaði ég nýja uppskrift af bollakökum. Í þetta skiptið bakaði ég minicupcakes - vanillukökur með sítrónufrómas og ítölskum marens.......

Kjellingin var send í fangelsi

Minicupcake - vanillusítrónukaka með ítölskum marens....namm

Bananakakan - eða það sem eftir var af henni

Nú bíða bara svona gaurar eftir því að komast til Barcelona :)

að heimsækja þessi hérna

síðustu vikur!

17 dagar síðan síðast var bloggað. Margt hefur á daga okkar drifið síðan síðast. Við mæðginin skelltum okkur til Íslands og enduðum í svaðilför til Gautaborgar með rútu ásamt næturgistingu þar eftir laaaanga bið á Gardermoen. Í framhaldi af þessari svaðilför höfum við tekið þá ákvörðun að fljúga EKKI með Iceland Express. Þetta félag þjónustar farþega sína mjög illa og ætti almennt ekki að vera starfandi sem ferðaskrifstofa/flugfélag. Okkar málum er ekki lokið vegna þessa en ég er einungis að bíða eftir að netsíminn minn fari að virka aftur - og þá skal HRINGT!

Menn voru þreyttir á hótelinu í Gautaborg

Og svona sáttir að fara heim á réttum tíma með SAS

Eftir alltof stutta dvöl á Íslandi mætti ég hér á nýja heimilið og fór að taka upp úr kössum, þrífa og mála. Skelltum okkur beint af flugvellinum í Elkjøp og keyptum þurkara, sjónvarp og ísskáp. Fórum 3 ferðir í IKEA sem voru allar afskaplega fullar af fólki og biðröðum.....ekki alveg mér að skapi....þó IKEA sé snilldar verslun þá þoli ég eiginlega ekki að fara í IKEA....ehemmm. Keyptum m.a. fataskápa fyrir drengina og okkur, hillur, borð á hjólum og tröppu til að hafa í eldhúsinu því frúin er hobbiti og nær ekki upp í efstu skápa.

Mamma og elsti sonurinn komu í heimsókn sl. fimmtudag og fóru aftur í morgun. Áður en þau komu tók ég upp úr öllum kössum og gekk frá, 6 dagar = 130 kassar :). Við gátum því róleg notið þess að vera saman alla helgina. Fannst frekar erfitt að skila þeim á flugvöllinn í morgun - hefði alveg viljað halda í þau aaaaðeins lengur. Tveir mánuðir í að sonurinn komi aftur.

HOLIÐ

Kimmidolls og Monsterbeans

 skemmtileg speglun á salernishurðinni ;)

hani, krummi, hundur, svín

þegar búið að taka í nokkur spil :)

 ELDHÚSIÐ

jebb ananasinn er alvöru - bara eftir að skera hann í bita

þessi skápur hefur fylgt okkur frá árinu 1998

gott að nota tröppuna til að komast upp í þessa skápa

hestur, mús, tittlingur

uppáhaldið mitt til vinstri á myndinni - doppótt innkaupakerra :)

plastmotta frá Søstrene Grene

STOFAN

ruggustóllinn með heiðurspláss

hægindastóllinn hans pabba/afa er staðsettur við arininn

hér eru engir vatnsofnar né rafmagnsofnar - þetta er kyndingin sem er í boði

fer nú ekki að hætta að litaraða þó ég búi í útttlöndunum ;)

stiginn niður í neðri heima þar sem drengirnir ráða ríkjum

Hvað gerir maður heima hjá sér - komin með allt dót og engir kassar að taka upp úr..........!

ferðalag

Í gær pakkaði ungmennið í tösku brosandi allan hringinn. Í dag er ferðinni heitið til Íslands í 8 daga. Skipulagið var mjög skipulagt. Hann fór í skólann í morgun, eins og venjulega og ég átti að hitta hann kl. 11:50 niður á National-lestarstöð með töskuna. Ég mætti samviskusamlega kófsveitt með töskuna eftir að hafa labbað með hana á T-banastöðina okkar. Við röltum þar sem fluglestin fer og þegar ég ætlaði að kaupa miða fyrir ungmennið í fluglestina bað hann í leiðinni um vegabréfið og flugmiðann......obbobobbb. Því hafði móðirin steingleymt heima á eldhúsborði. Þetta þýddi bara hlaup konunnar í trikkinn - hlaup úr trikknum heim að ná í vegabréfið - hlaup í trikkinn og hlaup úr trikknum inn á lestarstöð þar sem ungmennið beið samviskusamlega. Hann komst allavega út á flugvöll (búin að fá sms) og ég gat sveitt og sæl tekið 100kg skólatöskuna hans á bakið og farið heim.

Sjáumst!